Miraobras

Comentarios

Un tema simple e sinxelo para unha obra esquemática e orixinal do novo artista Héctor Francesch.

Un autor que ten, entre as súas referencias, a Luis Seoane, Jorge Castillo ou o Laboratorio de Formas de Galicia, ademais das características propias doutras linguaxes, como son o cinema, a televisión, o cómic, os anuncios, etc., onde é clara a influencia do mundo da imaxe, a cultura da manipulación.

Unha obra na que queda patente o dominio do debuxo, a través de distintas perspectivas que compón en diferentes planos. Vinculado ao deseño, utiliza símbolos e signos da cultura que o rodean, e traballa con cores planas que dotan o cadro dunha riqueza tremendamente colorista. Unha paleta que vai do vermello vivo ao ocre, con gran cantidade de tons alaranxados, pasando por azuis, grises e negros, que conseguen gran forza na imaxe e que demostran a súa incrible sensibilidade cromática.

Unha obra irónica e intelixente que conta unha historia a través dunha personaxe que identificamos no noso mundo cotián.