AO GALOPE

Comentarios

Cunha linguaxe fortemente persoal, Moldes presentan unha obra xestual e rotunda sen sombras de academicismo, onde a cor xoga un papel decisivo.
Unha paleta que se vale de terras, ocres e verdes para expresar unha arte propia ligada á realidade social e á tradición galega.
Un debuxo rigoroso onde estraños personaxes en perspectiva distorsionada e encadre próximo enchen a tea con tonalidades e veladuras que logran as texturas desexadas. Adivíñanse tamén diferentes obxectos que, de forma velada, contan historias pasadas e costumes.
Pinceladas áxiles, amplas e vigorosas nunha escena onde non podemos pasar por alto o horror vacui ou o medo ao baleiro.