Comentarios
Emprega o recurso de colocar en primeiro termo a panorámica dun río, que flúe cara ó fondo da composición cun ritmo acougado e lento. A liña do horizonte defínese coa diagonal que recorta sobre o ceo a ladeira da montaña, sobre a que se asenta un muíño, na súa parte baixa. A luz, espallada sobre toda a paisaxe carga o seu acento principal sobre as augas, obtendo efectos espelleantes e cristalinos. Un rexistro de verdes e azuis mestúranse con marelos, terras, brancos e encarnados.
